Түркиянын өлкө башчысы Режеп Тайип Эрдоган пандемиядан улам өлкөнүн 31 провинциясына коменданттык саат киргизилип жаткандыгын билдирди. Бул тууралуу жергиликтүү басылмалар жазып чыгышты.
Маалыматка ылайык, 16-майдан тартып 19-майга чейин кайрадан коменданттык саат киргизилет. Ал ишемби күнү саат 24:00дө башталып, шейшемби күнү түнкү саат 24:00гө чейин уланат.
Акыркы маалыматтарга ылайык, Түркияда жалпы 138 миң адамдан коронавирус аныкталган, илдеттен 3 миң 700гө жакын адам каза болду.
