Бүгүнтөн тарта айдоочу күбөлүктөрү 4-калкты каттоо борборунда берилет. Мамлекеттик каттоо кызматынан билдиришкендей, “Унаа” мамлекеттик ишканасында узун кезектер жаралгандыктан, күбөлүктөрдү берүү Ауэзов көчөсүндөгү Калкты каттоо борборуна которуу чечими кабыл алынды.
Документтерге арызды кабыл алуу жана каттоо Лебединовка айылынын Победа көчөсүндө жайгашкан “Унаа” ишканасында жүргүзүлөт.
Эске салсак, 9-декабрдан тарта жаңы үлгүдөгү айдоочу күбөлүктөрүнө арыздар кабыл алына баштады. Документти даярдоо 4 күндү талап кылат. Ал даяр болгондо, арыз таштаган адамга СМС-билдирүү жөнөтүлөт.
