Бишкек-Торугарт трассасындагы кырсыктан 2 киши каза болду.
Бул тууралуу Жол кыймылынын коопсуздугун камсыздоо башкы башкармалыгы билдирет.
Кырсык түндө Кең-Булуң айылында болду. Анда 2 унаа карама каршы тилкеде кагышты.
Кесепетинен биринчи унаанын айдоочусу жана жүргүнчүсү окуя болгон жерде каза тапты.
Дагы 7 киши бейтапканага жеткирилди. Аталган факты кылмыш жана жоруктардын
бирдиктүү реестрине катталып, иликтөө иштери башталды.
