Бишкекте Жукеев Пудовкин көчөсүн куруу иштери июль айында башталат.
novosti.kgге Капиталдык курулуш башкармалыгынын жетекчисинин орун басары
Улан Уезбаев билдиргендей, учурда аталган тилкеде жылуулук тармактары оңдолууда.
Иштер майда аяктайт. Анан кийин курулуш иштери старт алат. Трассанын узундугу
1 чакырым 200 метрди түзөт жана ал 6 тилкелүү болот. Жаңы жол Аалы Токомбаевден
Сухэ Баторго чейин созулат. Эске салсак, аталган тилке “Жол тармактарын өнүктүрүү”
долбоорунун 2-фазасынын алкагында пайда болот. Анда ордо калаадагы
70 чакырымды түзгөн 60 көчө оңдолуп, 5 көпүрө курулат.
