Бишкектеги троллейбустар санитардык-эпидемиологиялык көзөмөлдөө адистери тарабынан дезинфекцияланды. Бул тууралуу Бишкек мэриясынын басма сөз кызматынан билдиришти.
Мэриянын маалыматына ылайык, бардык кеңселер, коридорлор, башкаруу бөлмөлөрү жана троллейбус салондору атайын тазалоочу аралашма менен тазаланды. Мындай дезинфекция бактериялардын бардык түрлөрүнө каршы аракеттенет.
«Иш-чара аталган кызматтын кызматкерлери менен айдоочуларынын арасында коронавирус инфекциясынын жайылышын алдын алууга багытталган. Чындыгында эле акыркы күндөрү күчөтүлгөн режимге байланыштуу троллейбустарда жүргүнчүлөр агымы кескин көбөйдү«, — деп жазылат маалыматта.
