Бишкектен Балыкчыга поезд менен 150 сомго жетип алса болот. “Кыргыз темир жолу” мамлекеттик ишканасынан Novosti.kgге билдиришкендей, 10 жашка чейинки балдарга жол кире 73 сомду түзөт.
Ошондой эле жүргүнчүлөргө жаңы үлгүдөгү кенен вагондор жеткиликтүү, андагы билеттин баасы 500 сом, ал эми бир бала үчүн 250 сом төлөө керек болот.
Белгилеп кетсек, Бишкек – Балыкчы жүргүнчү поезди бүгүн каттап баштады. Ал азырынча жума, ишемби жана жекшемби күндөрү каттаса, 17-июлдан тарта күн сайын жүрөт.
