Бишкектин Ленин райондук салык кызматы башкармалыгынын бөлүм башчысы менен инспектору пара менен кармалды. Улуттук коопсуздук комитетинин маалыматына ылайык, жооптуу кызматтагы адамдар жеке компаниянын эсепчисинен салыктык текшерүүнүн жыйынтыгын оң жакка чечип берүү үчүн 25 миң доллар талап кылышкан.
Сумманын 5 мин доллары буга чейин эле алынганы аныкталды.
Атайын комитет салык кызматынын башчысынын жана инспекторунун кабинеттерин тинтүү учурунда жеке компаниянын салык боюнча текшерүүдө көрсөтүлгөн документтерин таап чыкты. Кармалгандар УКМКнын абагына киргизилип, тергөө иштери жүрүп жатат.
