Иорданияда падышанын үйлөнүү тою өттү. Мураскор ханзаада Хусейн таасирдүү саудиялык бизнесмендин кызына үйлөндү.
Жаштарды Аммандын көчөлөрү менен ардактуу кароол жана кызыл жол тандабас унаалардын кортежи коштоп жүрдү. Шаардын борборуна миңдеген кубанган тургундар чогулушту.
Салтанатка ошондой эле дүйнөнүн төрт бурчунан монархтар, анын ичинде Улуу Британия, Швеция, Нидерланды, Малайзия жана Бельгиянын королдук үйүнүн өкүлдөрү катышты.
