Чыңгыз Макешов экономика жана коммерция министринин орун басары кызмат ордунан бошотулду. Тиешелүү буйрукка министрлер кабинетинин төрагасы Акылбек Жапаров кол койду.
Мындан тышкары, экономика министринин үч орун басары Назарбек Малаев, Кубанычбек Закенаев, Канатбек Абдрахманов кызмат ордунан бошотулганын өкмөттүн маалымат кызматы кабарлады.
Буга чейин экономика министринин алты орун басары бар экени белгилүү болгон. Кийин Министрлер кабинетинин чечими менен экономика жана коммерция министринин орун басарлары 4 адамга кыскартылган.
Мындан тышкары Туризм департаментинин директорунан министрдин орун басары рангы алып салынган.
