Коргоо министрлиги аскердик окуу жайлардын бүтүрүүчүлөрү үчүн Куралдуу күчтөрдө контракттык кызмат өтөө мөөнөтүн беш жылдан он жылга чейин узартуу боюнча мыйзам долбоорун коомдук талкууга койду.
Бул аскердик жогорку окуу жайларын бүтүргөн офицерлердин сыртка чыгып кетишин токтотот деп белгилейт ведомство.
Коргоо министрлиги азыр келишим беш жылга гана түзүлүп, капитан наамы бар квалификациялуу офицерлер тышка кетип жатканына басым жасады.
Белгиленгендей, бул Кыргызстандын армиясынын күжүрмөн жөндөмдүүлүгүнө терс таасирин тийгизүүдө.
