Өлкөдө курулуп жаткан турак жайларды мамлекеттик программанын алкагында ипотекага алууга мүмкүнчүлүк түзүлдү.
Бул тууралуу Мамлекеттик ипотекалык компаниянын жетекчи орун басары Амантур Өмүров Sputnik агенттигине билдирди.
Анын айтымында, курулуп жаткан объектиден батир алуу үчүн насыя коммерциялык банк тарабынан азырынча Бишкек шаарында берилет.
Келечекте бул долбоор аймактарды да камтыйт. Кредит 8 пайыз менен 25 жылга эсептелген.
Ошондой эле, алгач үйдүн баасынын 20 пайызын төлөө кажет.
Программага эконом-класстагы курулуш компанияларынын объекттери катышары белгиленген.
