Бүгүн, 10-декабрда, Кыргыз футбол союзунун (КФС) кезектеги конгресси өтөт. Бул тууралуу КФСтин маалымат кызматы билдирди.
Жыйында 2020-2022-жылдарга уюмдун жооптуу кызматкерлери жана аткаруу комитетинин мүчөлөрү шайланат.
«Кезектеги конгрессте КФСтин президентинин 2020-жылда аткарылган иштери боюнча отчету угулат. Футболдук союздун биринчи вице-президенти, үч вице-президенти жана аткаруу комитетинин мүчөлөрү шайланат», — деп айтылат маалыматта.
Футболдук уюмдун төрт вице-президенти жана аткаруу комитетинин 14 мүчөсү бар.
