Кыргызстандагы жаңы окуу жылы 15-сентябрда башталат.
Чечимге министрлер кабинетинин төрагасы Улукбек Марипов кол койду.
Ага ылайык, окуу жылынын башталышын жылдыруу чечими өлкөдөгү
эпидемиологиялык кырдаалга жараша кадимки режимде билим алууга
акырындык менен өтүү максатында кабыл алынды. Бүгүнкү күндө билим
берүү мекемелеринде дээрлик 153 миң кызматкер эмгектенет. Учурда
анын 56 миңи COVIDге каршы вакцина алды. Бул 36,7 пайызды түзөт.
Жамааттык иммунитетти түзүү үчүн кызматкерлердин 70 пайызы
эмделиши керек. Мындай токтомдун кабыл алынышы билим берүү
системасынын кызматкерлеринин эмгек акысына таасирин тийгизбейт.
