Кыргызстандын 5 облусунда кечээ жергиликтүү кеңеш депутаттарын шайлоо өттү. БШК маалыматына ылайык, жалпысынан добуш берүүчүлөрдүн тизмесине 72 миң адам кирип, анын 28 миңи шайлоого катышты.
Бул тизменин 39 пайызын түзөт. Ал эми электрондук форматта 694 жаран добуш берди.
Эске салсак, жергиликтүү кеңеш депутаттарынын ыйгарым укуктары аяктагандыктан, 14 айылдык кеңеште шайлоо 9-апрелде өттү. Ал эми электрондук добуш берүү системасын колдонуу үчүн Баткен районунун Самаркандек, Ак-Сай жана Ак-Татыр айылдары тандалып алынган.
