Кыргызстанга сырттан акча которуу дээрлик 30 пайызга кыскарды. Улуттук банктын маалыматына ылайык, жыл башынан бери жеке жактарды акча которуулары 704,5 миллион долларды түздү.
Бул былтыркы жылдын ушул мезгил аралыгына салыштырмалуу 28,5 пайызга аз. Ал эми өлкөдөн чыгарылган акча тууралуу айта турган болсок, былтыркы жылдан бери Түркияга которуулардын агымы өстү.
Бул таза акча которуулардан тышкары, соода операциясы жүргүзүлүп жаткандыгына байланыштуу, — дешти өлкөнүн башкы каржы мекемесинен.
