Билим берүү жана илим министрлиги Бүбүсара Бейшеналиева атындагы Кыргыз мамлекеттик маданият жана искусство университетинин ректорунун кызматына сынак жарыялайт.
Мекемеден билдиришкендей, документтерди кабыл алуу 26-декабрь саат 18:00дө аяктайт.
ЖОЖдун ректору кызматына квалификациялык талаптар:
1) жогорку кесиптик билим;
2) окумуштуулук даражасынын жана окумуштуулук наамынын болушу (илимдин кандидаты/доктору, доцент);
3) илимий же илимий-педагогикалык иш тажрыйбасы 5 жылдан кем эмес.
Б.Бейшеналиева атындагы Кыргыз мамлекеттик маданият жана искусство университетинин ректору Мамашарип Чотонов 8-декабрда 54 жаш курагында оорудан улам каза тапкан.
