Парламентте кредиттер боюнча ставканы төмөндөтүү сунушу көтөрүлдү. Тиешелүү мыйзам долбоору коомдук талкууга чыгарылды. Документте айтылгандай, азыркы ставкалар орточо эсеп менен 25-30 пайызды түзөт.
Бул чоң көрсөткүч, айрым кичи насыялоонун алкагында үстөк пайыздын суммасы негизги карыздан дагы ашып кетет.
Андыктан, демилгечилер кредиттик ставкаларды төмөндөтүүнү сунуштайт. Күтүлгөндөй, бул аз камсыздалгандар үчүн насыяны жеткиликтүү кылып, каржылык жүк келүүнү азайтып, керектөөчү товарларга жана кызматтарга суроо-талапты көбөйтөт.
