Таласта жылуулук сезону болжол менен 23-октябрда башталат. Бул тууралуу мэр Айдарбек Жузупбеков билдирди. Анын айтымында, азырынча күн жылуу болуп турат.
Аба табы +18 градуска дейре көтөрүлүүдө. Орточо суткалык температура 3 күн катары менен 8 градустан жогору болбосо, жылуулук берилет, — деди калаа жетекчиси. Ал кошумчалагандай, жылуулук берүү системасы толугу менен даяр. Сактоочу жайларда көмүр жетиштүү көлөмдө бар.
