Жалал-Абад облусунун Таш-Көмүр шаарынын мэри болуп Келсинбек Бектемиров дайындалды.
Бул тууралуу президенттин аймактагы өкүлчүлүгүнөн билдиришти.
Маалыматка ылайык, тийешелүү буйрукка президент Садыр Жапаров кол койгон.
Келсинбек Бектемиров 2002-жылы Ош мамлекеттик юридикалык институтун аяктаган.
Эмгек жолунда 2008-2014-жылдары Өзгөчө кырдаалдар министрлигинин тармактык бөлүмдөрүндө эмгектенген.
2013-2014-жылы Жогорку Кеңештин депутатынын жардамчысы, жеке компаниялардын аткаруучу директору, 2012-2020-жылдары Таш-Көмүр шаардык кеңешинин эки чакырылышынын депутаты болуп шайланган.
Белгилеп кетсек, буга чейин Таш-Көмүр шаарын Нурлан Доулбеков жетектеп келген.
Анын ушул жылдын июнь айында кызматтык мөөнөтү аяктады.
