Кыргызстанда мектеп бүтүрүүчүлөрүнө аттестат 7-июлда тапшырылат.
Бул тууралуу Билим берүү министрлигинен билдиришти.
Маалым болгондой, быйыл 11-классты 67 миңден ашуун окуучу аяктап жатат.
Ал эми 9-класстын 106 миңден көп бүтүрүүчүсү бар.
Аларга 5-июлда негизги жалпы билими тууралуу документ тапшырылат.
Бүтүрүү кечелерине келсек, мектеп ичинде салтанаттуу иш-чарага гана уруксат берилген.
Мектептин сыртында балдарга ата-энелер жооптуу.
Көчөлөрдү кайтаруу Ички иштер министрлигине тиешелүү, — дешти ведомстводон.
