Ысык-Көл облусуна кирип-чыгуу эрежелери өзгөрдү. Республикалык штабдын маалыматына ылайык, эми аймакка “Ак-Кеме” экологиялык посту аркылуу гана кирүү мүмкүн.
Кызыл-Омполдогу посттон өтүүгө тыюу салынды. Андан облус аймагынан чыгууга гана уруксат. Бул жергиликтүү элдин саламаттыгын сактоо жана коронавирустун жайылуусун алдын алуу үчүн жасалууда. Эске салсак, Ысык-Көл облусунда коронавирус 8 адамдан аныкталган.
