Жогорку Кеңешке «Альянс» партиясынын тизмеси боюнча депутат болуп келген экономика министринин мурдагы орун басары Элдар Абакиров парламенттин 7-февралдагы жыйынында ант берип, депутаттык ишине киришти.
Борбордук шайлоо комиссиясы 2-февралда «Альянс» фракциясынын депутаты Эмил Жамгырчиевди мандатынан ажыраткан. Ошол эле күнү Элдар Абакиров менен Айсулуу Мамашовага мандат берилген.
36 жаштагы Айсулуу Мамашова Жогорку Кеңештин буга чейинки чакырылышында «Ата Мекен» фракциясынан депутат болгон.
43 жаштагы Элдар Абакиров 2016-жылдын май айынан 2019-жылдын июнь айына чейин экономика министринин орун басары болуп иштеген. 2021-жылы президенттикке талапкер болгон.
