Евробирикме Кыргызстанга республикалык бюджетти колдоого 24 миллион 800 миң евро бөлүп берди. Бул тууралуу Каржы министрлигинен билдиришти. Андан белгилешкендей, каражат пандемиянын социалдык-экномикалык кесепеттерин жумшартууга жана бюджет дефицитин жоюуга жумшалат. Тактап айтканда, грант медицина кызматкерлеринин, мугалимдердин айлыгыктарын жана пособия, пенсияларды берүүгө багытталышы керек.
15-июлдан тарта Россияга келгендер үчүн милдеттүү түрдө колдонулуучу эки апталык обочолонуу токтотулат. Бул тууралуу Роспотребнадзордун токтомуна таянып РИА Новости билдирди. Эми чет элдик жарандардын орус же англис тилинде коронавирустун белгиси жок деген тесттин жыйынтыгын көрсөткөн документи болушу зарыл. Тест Россияга келерге чейинки үч күндө тапшырылышы зарыл.… Кененирээк…
Кыргызстанда коронавирустан 109 адам айыкты. Коомдук саламаттыкты сактоо башкармалыгынын жетекчиси Айнура Акматова билдиргендей, Бишкекте 48, Чүйдө 23, Ошто 7, Жалал-Абадда 8, Баткенде 5, Нарында 14, Ысык-Көлдө 4 бейтап ооруканадан чыгарылды. Ушуну менен Кыргызстанда вирусту жеңип чыккандардын жалпы саны 3 миң 569га жетти.
АКШ коронавируска каршы вакцинаны жайдын аягына чейин чыгарат. Бул тууралуу президент Дональд Трамптын администрациясы жарыялады. 2021-жылдын башында коронавируска каршы вакцинанын 300 миллион дозасын чыгарары күтүлүүдө. Вируска каршы вакцина чыгаруу иши башталган. Бирок анын натыйжалуулугу жана таасири азырынча белгисиз.
Ырчы Асель Кадырбековага операция ийгиликтүү жасалды. Бул тууралуу Травматология жана ортопедия изилдөө борборунун директору Сабырбек Жумабеков билдирди. Ал белгилегендей, операциядан кийин Кадырбекова кыймылдап, алгачкы кадамдарын жасай баштады. Учурда абалы жакшы. Эске салсак, Асель Кадырбекова 26-июнда жол кырсыгына кабылып, комага түшүп калган.
Казакстанда карантин июлдун аягына чейин узартылып, муктаждарга 42 миң 500 тенгеден берилет. Бул тууралуу президент Касым-Жомарт Токаев билдирди. Эске салсак, пневмония жана коронавирус күч алгандыктан, Казакстанда 5-июлдан тарта эки жумалык карантин киргизилген. Бардык ишканалар жабылып, кыймылга чектөөлөр киргизилген. Ошондой эле облус аралык коомдук транспорт… Кененирээк…
Чет мамлекеттен кыргызстандыктарды жеткирүү уланууда. Тышкы иштер министрлигинен билдиришкендей, Екатеринбург шаарынан чартердик каттам менен 186 жаран келди. Арасында Россия шаарларында билим алып жаткан студенттер, кош бойлуу, балалуу аялдар, ден-соолугунун мүмкүнчүлүгү чектелгендер жана улгайган адамдар бар. Тизме дипломатиялык өкүлчүлүктөргө келген арыздардын негизинде түзүлгөн.
Вирустун жайылышын алдын алуу боюнча иш-чаралар планы Жалал-Абадда дагы киргизилди. Мэриядан билдиришкендей, учурда аталган калаада коомдук тамактануу жайлары, кафе-ресторандар кечки саат 10го чейин гана иштеши керек. Андан кийин жабылбай, иштей берген объектилер жарыктан өчүрүлөт. Ал эми мечиттердеги жалпылап намаз окууга киргизилген тыюу августка чейин… Кененирээк…
Мурдагы “Ганси” аскердик аба базасынын аймагындагы обсервацияда 400 жаңы орун түзүлдү. Өкмөт аппаратынан билдиришкендей, орундар оор абалдагы бейтаптарга камдалат. Коргоо иштери боюнча мамлекеттик комитеттин балансындагы 6 имаратта учурда ремонт жүргүзүлүп жатат. Интенсивдүү терапия палаталары бейтаптарды эртең кабыл ала баштайт. Эми обсервацияда жалпысынан 1 миң… Кененирээк…
Республиканын аймактары курчуп бара жаткан эпидемиологиялык абалды жакшыртуу боюнча иш-чаралар планын аткарууда. Бул тууралуу Саламаттыкты сактоо министрлигинин өкүлү Айнура Акматова билдирди. Анын айтымында, облустар ооруканаларда гана эмес, жаңы ачылып жаткан стационарларда дагы кошумча орундарды түзүшүүдө. Ошондой эле, дарыгерлер препараттар жана жеке коргонуучу каражаттардын запасы… Кененирээк…
