Россиядан Кыргызстанга 1 миң тонна ун жеткирилди. Дипломатиялык өкүлчүлүктөн билдиришкендей, жүк Ош жана Бишкек шаарларына келип түштү. Азык 5,5 миң үй-бүлөгө жана республика боюнча 78 мектептин окуучуларына багытталат. Ун биздин өлкөгө гуманитардык жардам катары берилди.
Апрелде Кыргызстанда күйүүчү майдын баасы дагы көтөрүлөт. Бензиндин литри 6 пайызга, дизелдик отун 9 пайызга кымбаттайт, — деп билдиришти Мунай ташуучулар ассоциациясынан. Маалыматка караганда, буга дүйнөлүк рынокто мунайдын баасы өсүп, баррели 65 долларга жеткени кеткени себеп. Андан тышкары, Россиянын заводдорунда дүң баа жогорулап жатат. Ошондой… Кененирээк…
Кыргызстанда эртеңден тартып күн жылыйт. Кыргызгидрометтен билдиришкендей, жаансыз күндөр 10-апрелге чейин сакталат. Ага чейин термометр мамычалары күндүз +23 градуска чейин жетет. 11-апрелден 13үнө чейин өлкөдө кайрадан жаандуу күндөр кайтып келет. Абанын табы күндүз +10 градустан жогорулабайт.
Кыргызстан балбандары Алматыда өтө турган Азия чемпионатына барат. Турнир 8-апрелден 19уна чейин өтөт. Мелдештин алкагында биздин өлкөнүн кыздар күрөшү боюнча, грек-рим жана эркин күрөш боюнча курамалары күч сынашат. Жалпысынан биздин өлкөдөн 20дан ашык балбан катышат. Алар олимпиадалык спорт түрү боюнча дирекциянын эсебинен жөнөтүлөт.
16 жашка толгон бүтүрүүчүлөр паспорту жок жалпы республикалык тестирлөөгө киргизилбейт. Бул тууралуу novosti.kgге билимди баалоо жана окутуу усулдары борборунан билдиришти. Ал эми 16 жашка толо элек окуучулар алдын-ала окуп жаткан мектебинен сүрөтү тиркелген, мөөр басылган маалым кат алышы керек. Эске салсак, Кыргызстанда ЖРТ 17-майдан 23үнө… Кененирээк…
Баткен районунда CASA-1000 долбоорунун алкагында электр линияларын өткөрүүчү алгачкы мамынын курулушуна капсула салынды. Иш-чарага президент Садыр Жапаров катышты. Өлкө башчы долбоорду ишке ашырууга насыя бөлүп берген эл аралык өнөктөштөргө ыраазычылык билдирди. Каржылык милдеттер электроэнергияны сатуудан түшкөн каражаттын эсебинен жабылат, береселер мамлекеттик бюджетке жүктөлбөйт. Эске салсак,… Кененирээк…
Ош облусунун Терек айылында 14 жаштагы баланы издөө иштери жүрүп жатат. Өзгөчө кырдаалдар министрлигинен билдиришкендей, өспүрүм 2-апрелде мал жаюуга кеткен. Белгилүү болгондой, аталган күнү бала жүргөн жерге болжолдуу түрдө түшкү 13:30да кар көчкү түшкөн. Күнүнө 30 куткаруучу, 10 милиция жана жергиликтүү 70 тургун издөө иштерин… Кененирээк…
Бишкек шаарындагы Биринчи май райондук соту 2-апрелде Бишкек шаарынын мурдагы вице-мэри Азиз Алымкуловдун бөгөт чарасын карап, аны 31-майга чейин камакта калтырды. Алымкуловго Жазык Кодексинин 43-беренесинин 3-бөлүгү жана 319-беренесинин (Коррупция) 1-бөлүгүнө байланыштуу айып тагылган. 31-мартта Аскер прокуратурасы Бишкектеги кымбат жер тилкелерин берүү боюнча «Мыйзамсыз баюу»… Кененирээк…
Бишкектин бир бөлүгүндө эртең таза суу өчүрүлөт. Мэриянын маалыматына ылайык, эртең мененки саат 9дан кечки 7ге чейин суу Панфилов, Фрунзе көчөлөрүн, Манас проспектин жана темир жолду бириктирген бөлүктө жок болот. Убактылуу чектөөлөр Тоголок Молдо суу топтомо жайындагы оңдоо иштерине байланыштуу.
Кыргызстанга Өзбекстан 1 миң тонна буудай жеткирилет. Премьер-министр Улукбек Мариповдун айтымында, дандын жарымы акысыз тапшырылса, жарымын биздин өлкө күздө кайтарып бериши керек. Андан тышкары, Казакстан дагы 1 миң тонна буудайды жардам иретинде тапшырат. Улуттук статистика комитетинин 25-мартта берген маалыматына ылайык өлкөдө жогорку сорттогу буудай… Кененирээк…
