Акыркы 6 ай ичинде Бишкек шаарында 1340 жол кырсыгы катталды. Бул тууралуу Бишкек шаардык милициянын кайгуул кызмат башкармалыгынын жетекчиси Алмазбек Исаков маалымат жыйында билдирди.
Анын айтымында жарым жыл ичинде жол кырсыгынан 21 адам каза болуп, жабыр тарткандардын саны 1726га жеткен. Бул былтыркы жылга караганда 3%га өскөн.
Ошондой эле жол эрежесин бузган жарандардын 723 учуру катталган. Мындан тышкары, июнь, июль айларында мектеп окуучуларынын жол кырсыгы катталбаганы, айдоочулук күбөлүгү жок унаа башкарган 2 учур болгону айтылды.
