Бүгүн ЖРТнын соңку этабына каттоо башталды. Билим берүү министрлигинен такташкандай, ал 21-июнга чейин уланып, Бишкек жана Ош шаарларында гана өткөрүлөт.
Сынактын өзү 23-24-июнда болот. Тестти быйыл тапшыра албай калган бүтүрүүчүлөр каттоодон өтө албайт. Эгер абитуриент мурда катталып, бирок ар кандай себептерден улам тестирлөөгө келе албай калса, катталган жерине кайрылып, процедурадан кайрадан өтүшү керек.
