Билим берүү министрлиги мамлекеттик билим берүү стандартын 50 пайызга жаңыртуу ниетинде. Ведомство бир катар жаңы идеяларды камтыган токтом долбоорун даярдады.
Алсак, биринчи, экинчи класстардын окуучуларына баа койбой, анын ордуна башка ыкмаларды колдонуу сунушталууда. Андан тышкары, башталгыч класстарда “Мен жана дүйнө” жаңы предмети киргизилиши мүмкүн.
Ал табият таануу, коопсуздук негиздери жана этика сабактарын бириктирет. Документ коомдук талкууга чыгарылды.
