Бишкек жана Чүйдүн май куюу станцияларында бензин жана дизелдик отунду кем куюшат. Бул тууралуу Экономикалык кылмыштарга каршы күрөшүү мамлекеттик кызматынын өкүлү Рамиз Алиев жарыялады.
Анын айтымында, Каржы полициясы 12 станцияда сатып алуу жүргүзүп, бардык учурда тең май кем куюлуп жатканын аныкташты. Бул фактылар боюнча текшерүү башталды. Ошондой эле кызматкерлер суракка алынып жатат. Учурга карата тергөө уланууда. Анын жыйынтыгын ведомство жакынкы күндөрү жарыялайт.
