Бишкектин Ленин округундагы кайра шайлоого катышуу үчүн 12 адам арыз берди. БШКнын соңку маалыматына ылайык, алардын баары өзүн-өзү көрсөткөндөр.
Талапкерлердин арызын алуу 10-августта аяктайт жана каттоо 20-августка чейин жүргүзүлөт. Добуш берүүнүн өзү 10-сентябрга белгиленген.
Бул кайра шайлоо болгондуктан, талапкерлерди көрсөтүү, каттоо жана үгүт өнөктүгүнүн мөөнөтү кыскарган.
