Ош облусунун Гүлчө айылындагы аскердик бөлүктө болгон окуяга байланыштуу дивизиянын начальниги Бердибек Асанов ордунан бошотулду. Ошондой эле, иштен аскер бөлүктүн командири Мелис Бошкоев алынды. Генералдык штабдан билдиришкендей, алар кызматта тартиптин сакталышын камсыздаган эмес.
Жаңы командир болуп Урматбек Исаков дайындалды. Эске салсак, аскер бөлүгүнүн ишин териштирүүгө келишимдик негизде кызмат өтөгөн жоокердин токко урунушу себеп болду. Ал көтөрүп бара жаткан антенна жогорку вольттогу электр өткөрүү линиясына ток тарткан. Учурда ал ооруканада.
