Түркиянын Конья шаарында өтүп жаткан Ислам шериктештиги оюндарында кыргызстандык сууда сүзүүчү Денис Петрашов алтын байгенин ээси болду.
Маданият министрлигинин маалыматына караганда, ал 100 метрге брасс ыкмасы менен сүзүүдө финалдык жарышта 1-орунду алды.
Денис Петрашов ушуну менен бул мелдеште үчүнчү жолу байгеге ээ болду.
Ал буга чейин 50 жана 200 метрге сүзүүдө эки коло байге алган.
Медалдардын көрсөткүчү боюнча Кыргызстан учурда 9-орунга көтөрүлдү.
Сап башында Түркия, Өзбекстан жана Иран турат.
Мелдештер 18-августта жыйынтыкталат.