Кара-Кече кенинен көмүр казуу иштери жанданды.
Бул тууралуу Novosti.kgге «Кыргыз көмүр» мамлекеттик ишканасынан
билдиришти. Маалыматка ылайык, бүгүн кара отун Бишкек ЖЭБине
ташылып баштады, ал эми көмүр кампаларына эртең жеткирилип баштайт.
Эске салсак, буга чейин карьерди тазалоо иштерине жана көмүр казыла
турчу жаңы жерлерди чалгындоого байланыштуу кара отунду
казуу иштери 10 күнгө токтотулган.
