Кыргызстан менен Россия толук түрдө рубль менен эсептешүүгө өттү.
Бул тууралуу экономика жана коммерция министри Данияр Амангелдиев Бишкектеги маалымат жыйынында билдирди.
Чиновниктин айтымында, Россия SWIFT системасынан чектелгенден кийин операцияларды башка валюталар менен жүргүзүүгө мүмкүнчүлүк жок.
Ошондуктан азыр эң альтернативдүү валюта – орустардын рубли болуп жатат.
Бажы биримдигиндеги пошлинабыз да азыр Россия менен рубль–сом болуп жүргүзүлүүдө, — деди Амангелдиев.
Белгилеп кетсек, Россия быйыл февралда Украинага кол салгандан кийин Батыштын бир катар санкцияларына кабылган жана анын 10дой банкы SWIFT системасынан өчүрүлгөн болчу.
