Кыргызстанда коронавируска каршы эмдөөдөн өткөндөрдүн саны 2 миллионго жете элек.
Республикалык штабдын маалыматына ылайык, бүгүнкү күнгө карата 751 миң 407 адам
вакцинациянын курсунан толук өтсө, 978 миң 653 адам биринчи компонент менен эмделди.
Ал эми жамааттык иммунитетти калыптандыруу үчүн калктын эмдөөдөн өтүүгө жарамдуу
тобунун 70 пайызы вакцина алышы керек. Бул болжолдуу түрдө 2 миллион 239 миң адамды түзөт.
