Кыргызстанга май айында “Спутник V” вакцинасынын дагы 40 миң дозасы жеткирилет. Бул тууралуу 24 агенттигине Саламаттыкты сактоо министринин орун басары Улук-Бек Бектурганов билдирди.
Анын айтымында, эки өлкө ортосунда 60 миң доза тууралуу макулдашуу жетишилген, анын 20 миңи кечээ өлкөгө келди. Ошондой эле, вакцинанын 1 миллион дозасын жеткирүү боюнча макулдашылды.
Эске салсак, Кыргызстанда коронавирустан массалык эмдөө 29-мартта башталды. Бул үчүн кытайлык “Синафарм” препараты алынган.
Андан тышкары, жакынкы арада өлкөгө “AstraZeneca” вакцинасынын 405 миң дозасы жеткирилет.
