Жалал-Абад облусунун Ноокен районунун башкармалыгында «Бирдиктүү терезе»
системасы иштеп баштады. Бул тууралуу Мамлекеттик салык кызматы билдирет.
«Бирдиктүү терезеде» салык кызматкерлери кызмат көрсөтүүлөрдүн бардык комплексин
бир жерде ишке ашырышат. Анда отчетторду кабыл алуу, патенттер, камсыздандыруу полистери,
маалым каттар жана башка документтер берилип же узартылат. Ошондой эле бул имаратта
салыктарды жана камсыздандыруу төгүмдөрүн төлөө үчүн банктын кассасы жайгашкан.
Белгилей кетсек, учурда «Бирдиктүү терезе» 52 салык органында иштеп жатат.
