Ички иштер министрлиги Орозо айт майрамынын алдында жарандардын коопсуздугун күчөтүүдө.
Ведомствонун басма сөз кызматынан билдиришкендей, мекеменин бөлүмдөрү коомдук жайларда кылмыштарга жана укук бузууларга жол бербөө максатында ыкчам-алдын алуу мүнөздөгү күчөтүлгөн иш-чараларды өткөрүүдө. Ошондой эле жол кыймылынын коопсуздугун камсыз кылууга өзгөчө көңүл бурулууда.
Белгиленгендей, майрам күндөрү 9 миңден ашык милиция кызматкери укук тартибин жана коопсуздукту камсыз кылат.
