Ош шаарында Ак-Буура дарыясынын жээгин көрктөндүрүү иштери планга ылайык аткарылып жатат.
Novosti.kgге түштүк калаа мэриясынан билдиришкендей, учурда 3 этаптын биринчисинде иштер жүрүп жатат.
Тагыраагы, Нурматов көчөсүнөн Юго-Восток шаарчасына чейинки аралыкта дарыянын эки жээги бекемделүүдө.
Долбоордун алкагында балдар аянтчалары, эс алуу аймагы, көпүрөлөр, веложолчолор пайда болот.
Иштерге жергиликтүү бюджеттен 200 миллиондон ашык каражат багытталат.
Көрктөндүрүү иштери 2022-жылы аякташы күтүлүүдө.
