Франциянын «ПСЖ» футболдук клубунун жетекчилиги 34 жаштагы аргентиналык футболчу Лионель Мессиге келишим сунуштады. Бул тууралуу чет элдик маалымат булактары жазып чыгышты.
Бирок Месси азыркы учурда улуттук курама командасы менен Америка Кубогунда оюн өткөрүү менен алек. «Барселона» клубу дагы Месси менен тыгыз байланышта.
Мессиге «ПСЖ» клубунун сунушу финансылык жактан «Барселонанын» акыркы сунушунан жогорураак. Француз клубу футболчуга болгон кызыгуусунан эч качан баш тарткан эмес. Месси жана Криштиану Роналду жуптугунун бирин сатып алуу Аль-Хелайфи («ПСЖ» клубунун президенти) үчүн 10 жылдан берки кыялы болуп келгени айтылды.
Лионель Месси «Барселона» клубунда 17 жыл өткөргөндөн кийин 2021-жылдын 1-июлунда эркин агент болуп калды.
