Улуттук банк кезектеги ирет интервенция жасады.
Каржы мекемесинин сайтында жазылгандай,
валюта рыногундагы абалды турукташтыруу үчүн бул ирет
3,7 миллион доллар сатылды. Муну менен Улуттук банк жыл
башынан бери жетинчи ирет, ал эми бул айда төртүнчү ирет
сатуу процессин жүргүздү. Март айында валюта рыногундагы
абалды турукташтырууга 109,7 миллион доллар, ал эми жыл
башынан бери 196,2 миллион доллар сатылды. Белгилеп кетсек,
кечээ АКШ валютасы кескин жогорулап, 1 доллар 85 сомго чыкты.
Ал эми евронун куну 92 сомго жетти.
