29-июлда нөшөрлөгөн жаандан улам болжол менен саат 21:30 чамасында, Каракол капчыгайынын эки тилкесинде таш-шагыл аралаш сел жүрүп, эки көпүрөнү жаап калган.
Бул тууралуу Өзгөчө кырдаалдар министрлигинин басма сөз кызматы кабарлады.
Маалыматка караганда, жабылган көпүрөлөр бүгүн оор техниканын жардамы менен тазаланат.
Ушул эле күнү Түп районунун Балбай, Күрмөнтү айылдарында сел жүрүп турак үйлөрдү, ички чарбалык жолдорду, эгин талааларды каптаган.
Ал эми тазалоо иштери уланууда. Селден кийинки чыгымдар эсептелүүдө.
