Балбан Жоламан Шаршенбеков Сербиянын Белград шаарында өткөн күрөш боюнча Дүйнө чемпионатында алтын медал тагынды.
Шаршенбеков 23-сентябрда грек-рим күрөшүнөн 60 кг салмакта финалда Дүйнөнүн эки жолку, Азиянын эки жолку чемпиону, Олимп оюндарынын күмүш байгесинин ээси, жапониялык Кеничиро Фумитаны 11:6 эсебинде утту.
Эки балбан буга чейин 2020-жылы Азия чемпионатынын финалында беттешип, таймашта жапониялык жеңишке жеткен.
