Бишкекте сасык тумоолоп, дарыгерге кайрылгандар былтыркы жылдын ушул мезгилине караганда быйыл 39% аз. Бул тууралуу шаар мэриясы кабарлады.
Мекеменин маалыматына караганда, быйыл январь айында сасык тумоологон 3759 адам катталды, былтыр январда бул сан 9512 болчу.
Былтыр бир жылда Бишкекте мындай диагноз 52 миң адамга коюлса, ага чейинки жылы 66 миң болгон.
Ал эми COVID-19 жугузуп алгандардын саны борбор калаада 28 миңден ашты. Жалпы Кыргызстан боюнча бул илдетке чалдыккандар 84 миң болду, алардын 1,5 миңге чукулу каза болду.
Коронавируска байланыштуу борбор калаадагы муниципалдык мектептердин жана бала бакчалардын көбү дээрлик жабык турат.
