Энергетиктер кыргызстандыктарды электр энергиясын үнөмдөөгө чакырат.
Бул тууралуу Чүй электр тармактар ишканасы билдирди. Бөлүштүрүүчү компаниядан белгилешкендей, өлкөдө электр жабдууларын ашыкча пайдалануу катталып жатат.
Жылуулук сезонунан ийгиликтүү чыгуу үчүн жана авариялык өчүрүүлөрдү алдын алуу максатында жарандарга колдонулбаган электр жабдууларын жана жарык берүүчү приборлорду өчүрүүнү, ошондой эле электр энергиясын көп керектеген техниканы эртең менен жана кечкисин колдонбоо сунушталат.
