Кыргыз-казак чек арасында жайгашкан өткөрүү түйүндөрү салык кызматынын ыкчам башкаруусуна өтөт. Министрлер кабинетинин төрагасынын орун басары Арзыбек Кожошев билдиргендей, министрлер
кабинетинин алдында бюджетти 280 миллиард сомго көбөйтүү тапшырмасы коюлган. Андан улам,
ушундай чаралар көрүлүүдө. Чиновник белгилегендей, «Жыйынды пост» системасы 10 айдан бери
иш жүргүзүүдө, ал жумуштун сапатын жогорулатты. Бирок бир катар көйгөйлөрдү ачыкка чыгарды.
Импорттоочулар республикага салык төлөөдөн качуу максатында төмөндөтүлгөн бааны көрсөтүү
менен товарларды ташып кирүүнү улантууда. Күтүлгөндөй, функцияларды салык кызматына
өткөрүп берүү менен ушундай көйгөйлөр чечилет.
