Кыргызстан быйыл сырттан дээрлик 743 миллион доллар жардам алат. Каржы министринин орун басары Сүйөркул Абдыбалы тегин билдиргендей, ушул күнгө чейин сумманын 330 миллион доллары келип түштү.
Калган 409 миллион доллар жыл аягына чейин келет деп күтүлүүдө. Сырттан алынган жардамдын төрттөн бир бөлүгү кайтарымсыз негизде болсо, калганы жеңилдетилген насыя түрүндө 10 жылдан 20 жылга чейинки мөөнөткө алынат.
Каражат коронавирус менен күрөшүүгө, экономиканы жана бюджетти колдоого багытталат.
