Кыргызстандан Россияга каттай турган поезддердин билеттери сатыкка чыкты.
“Кыргыз темир жолу” ишканасынан такташкандай, 6-июндан тарта Кыргызстандан Россияга поезддер каттай баштайт.
Жүргүнчүлөр Бишкектен Казань, Самара жана Новосибирск шаарларына поезд менен жетип алса болот.
Эл аралык поезддерге, анын ичинде Казакстан, Россия жана Беларусь темир жолдорунун ички каттамдарына билеттерди темир жол вокзалдарынын кассаларынан сатып алса болот.
