Кыргызстандыктар жыл башынан бери 106 миллиард сом насыя алышты. Улуттук статистика комитетинен билдиришкендей, анын ичинен 82 миллиардын банктар, 24 миллиард сомун кредиттик компаниялар беришкен.
Алынган насыялардын басымдуу бөлүгү соода чөйрөсүнө жана айыл чарбасына жумшалды. Аймактарга бөлүп айта турган болсок, эң көп насыя алгандар Бишкекте жашайт. Шаардыктар банктардын бардык насыяларынын 54 пайызын, кредиттик компаниялардын 27 пайызын алган.
Ошондой эле активдүү насыя алуучулар Ош, Жалал-Абад, Чүй облустарында жана Ош шаарында.
