ОшМУнун Табият таануу, туризм жана агрардык технологиялар факультетинде беш кабаттуу ветеринардык клиниканын имаратынын пайдубалына капсула салынды.
Бул тууралуу окуу жайдын басма сөз кызматы билдирди.
Маалыматка ылайык, жаңы курулуп жаткан клиника беш кабаттан туруп анда окуу лабораториялар, окуу кааналары, лекциялык, окуу залдары болот.
Имараттын аянты 3000 чарчы метр, курулуштун жалпы сметасы 78 миллион сом.
Ветеринардык клиниканын курулушун 2023-жылдын март айына бүткөрүү пландалууда.
