2024-жылы Парижде өтө турган Олимп оюндарына Кыргызстан азырынча үч жолдомо алды.
Novosti.kgге Дене тарбия жана спорт департаментинин басма сөз кызматынан такташкандай, лицензияга Айпери Медет кызы, Денис Петрашов жана Айсулуу Тыныбекова ээ болду. Балбандар жолдомону Сербияда өтүп жаткан күрөш боюнча Дүйнө чемпионатынын алкагында утушту. Ал эми Петрашов Японияда өткөн сууда сүзүү боюнча дүйнөлүк чемпионаттын жыйынтыгында ийгиликке жетти.
Сербиянын Белград шаарында өтүп жаткан турнир 24-сентябрга чейин уланат.
